«Siamiejka sa Smalenska. Kryčali, što im treba jechać». Pjany pasažyr pabiŭsia z achoŭnikami minskaha mietro
U sacsietkach źjaviłasia videa ź minskaha mietro, dzie achoŭniki mietrapalitena skručvajuć pasažyra na pieronie stancyi «Kamiennaja Horka». Niekatoryja vidavočcy apisvali, što mužčyna vyhladaŭ pjanym i pierad hetym biehaŭ pa vahonach, sprabavaŭ bicca z achovaj mietro i navat udaryŭ svaju maleńkuju dačku.
Skrynšot videa z kanała «Stydno Minsk»
Śćviardžajuć, što jon sa Smalenska.
«Siamiejka sa Smalenska. Kryčali, što im treba jechać, «vy svołačy, nie majecie prava» i h.d. Mužyk potym, kali lažaŭ, abražaŭ usich i nazyvaŭ kiepskimi słovami», — apisvaje ŭ sacsietkach vidavočca i dadaje, što pobač ź im była jašče žonka i pažyłaja žančyna ź dziciem, jakija «isteryli».
U mietrapalitenie raskazali, što incydent adbyŭsia 26 krasavika kala 15:45.
«Inśpiektary słužby biaśpieki ŭžyli fizičnuju siłu ŭ dačynieńni da pasažyra z prykmietami ałkaholnaha apjanieńnia, bo jon akazaŭ aktyŭny supraciŭ, paśla čaho pravaparušalnika pieradali supracoŭnikam milicyi dla dalejšaha razboru», — raspaviali ŭ mietro «Minsk-Navinam».
Mužčynu spynili jašče la turnikieta i nie chacieli puskać, bo byŭ pjany. Ale toj ź dziciem na rukach prarvaŭsia da vahonaŭ.