Hałoŭny korpus Nacyjanalnaha mastackaha muzieja Biełarusi płanujuć zakryć na rekanstrukcyju
U stalicy praciahvajecca rekanstrukcyja Nacyjanalnaha mastackaha muzieja.
Fota: BiełtA
Heta adzin z etapaŭ prajekta pa stvareńni adzinaha muziejnaha kvartała, paviedamiŭ staršynia Kamiteta architektury i horadabudaŭnictva Minharvykankama Viktar Hućko, pišuć Minsk-naviny.
— Zabudovu kompleksu farmirujuć budynki, jakija adnosiacca da pomnikaŭ architektury. Jany ŭniesieny ŭ Dziaržaŭny śpis historyka-kulturnych kaštoŭnaściaŭ. Siarod ich: hałoŭny korpus muzieja na vuł. Lenina, administracyjny korpus na vuł. Kirava. Viadoma, nielha nie zhadać i administracyjna-ekspazicyjny korpus na vuł. Karła Marksa, 24, — adznačyŭ V. Hućko.
— Da kanca leta płanujecca prystupić da rekanstrukcyi hałoŭnaha korpusa.
Nacyjanalny mastacki muziej rychtujecca da maštabnaj transfarmacyi. Jon pieratvorycca ŭ adziny muziejny kvartał, u skład jakoha ŭvojduć budynki na vuł. Kirava, 25, vuł. Lenina, 20 i 22, vuł. K. Marksa, 24. Takim čynam płošča abjekta značna pavialičycca.
Zaraz asnoŭnyja raboty viaducca ŭ budynku dyrekcyi na vuł. Lenina, 22. Płanujecca, što ŭ budučyni tam raźmieściacca ekspazicyjnyja zały, dzie taksama buduć pravodzicca ekskursii.