«MŁ Viciebsk» uznačalić rasijski śpiecyjalist, što treniravaŭ zbornuju Kazachstana
Uładalnik viciebskaha kłuba Arciom Lavonaŭ raspavioŭ, chto ŭznačalić kamandu paśla zvalnieńnia Michaiła Marcinoviča.
«Zaŭtra z Rasii prylacić Mahamied Adzijeŭ, jaki niadaŭna treniravaŭ «Kryły Savietaŭ. Tamu čakajem jaho ŭ Minsku. My płanujem padpisać z Adzijevym kantrakt u aŭtorak, kab na matč suprać «Dynama» jon užo vyvioŭ kamandu. Pieramovy z Mahamiedam pačali vieści ŭčora i za dzień damovilisia», — piša football.by.
Adzijeŭ z červienia 2025 hoda kiravaŭ «Kryłami Savietaŭ» i byŭ zvolnieny ŭ pačatku krasavika. U čempijanacie Rasii kłub zajmaje 12‑y radok. Taksama treniravaŭ «Chimki», «Achmat», «Čajku», u 2022‑2024 hadach byŭ hałoŭnym trenieram zbornaj Kazachstana, ź jakoj dabraŭsia da stykavych matčaŭ adboru na ČIE-2024.