12‑hadovaja dziaŭčynka stała kurjeram telefonnych machlaroŭ u Minsku
Achviaraj machlaroŭ pieršapačatkova staŭ 13‑hadovy padletak.
Z padletkam źviazalisia ŭ sacsietkach pad vyhladam dziaŭčynki, jakaja prapanavała siabravać i paprasiła dasłać hieałakacyju jaho škoły.
Atrymaŭšy danyja, machlary pačali pisać i telefanavać siamikłaśniku, pradstaŭlajučysia supracoŭnikami SK i KDB.
Jany źmianili svoj numar z dapamohaj IP-telefanii i dla pierakanaŭčaści prapanavali pravieryć jaho prynaležnaść da pravaachoŭnych orhanaŭ praz pošuk u internecie, paviedamlaje pres-słužba MUS.
Dzicia napałochali kryminalnaj adkaznaściu za pieradaču danych, zatym pa videasuviazi zapatrabavali znajści ŭ kvatery baćkoŭskija źbieražeńni i pieradać ich «u Nacbank dla pravierki».
Kurjeram akazałasia 12‑hadovaja minčanka, jakuju taksama padmanuli pa anałahičnaj schiemie.
Jana zabrała ŭ školnika 25 tysiač rubloŭ, zatym zakładku z 30 tysiačami rubloŭ, jakuju pakinuŭ pieršakurśnik staličnaha kaledža, dadała 4,5 tysiačy dalaraŭ baćkoŭskich hrošaj i schavała ŭsio ŭ tajniku dla nastupnaha pasrednika.