U Kalinkavičy niespadziavana prylacieŭ čorny busieł VIDEA
Niezvyčajnuju sustreču ŭdałosia zafiksavać u Kalinkavičach: u abjektyŭ trapiŭ čorny busieł. Dla Biełarusi heta redkaja ptuška, zaniesienaja ŭ Čyrvonuju knihu. Videa apublikavali ŭ instahramie «Kalinkoviči. Novosti», zaŭvažyła vydańnie «Smartpres».
Skrynšot ź videa
Niezvyčajnaść situacyi ŭ tym, što čorny busieł zusim nie padobny pavodzinami da svajho biełaha svajaka. Kali biełyja busły achvotna sielacca pobač ź ludźmi, na dachach damoŭ i vodanapornych viežach, to čornyja vybirajuć cišyniu: hłuchija lasy, učastki kala bałot i rek. Ubačyć takuju ptušku pobač z čałaviekam — vialikaja redkaść.
Pavodle danych arnitołahaŭ, u Biełarusi naličvajecca kala 900—1300 par čornych busłoŭ. Vid znachodzicca pad achovaj i ličycca ŭraźlivym: adna z hałoŭnych pahroz dla jaho — źniknieńnie zvykłych miescaŭ pasialeńnia.
Darečy, mienavita čorny busieł abjaŭleny ŭ Biełarusi ptuškaj 2026 hoda, jon pieramoh u narodnym hałasavańni.
Čytajcie taksama:
Ptušynaja drama: čorny busieł užo 6 hadoŭ sprabuje znajści kampaniju siarod biełych
Na Hrodzienščynie pabačyli niezvyčajnaha busła. Nie bieły i nie čorny, a šery FOTAFAKT