U Minsku da 2030 hoda płanujuć adramantavać 30 mastoŭ
Budaŭnictvam, rekanstrukcyjaj i ramontam inžyniernaj transpartnaj infrastruktury ŭ stalicy zajmajecca Hardarbud.
Fota: Minsk-naviny
— U infrastrukturu ŭvachodziać masty, puciepravody, darohi, padziemnyja piešachodnyja pierachody, a taksama inžyniernyja kamunikacyi, — raspavioŭ Minsk-navinam dyrektar pradpryjemstva Siarhiej Panioŭ. — Siońnia ramantujem most praź Śvisłač u bok vulicy Pulichava i puciepravod na 4‑m km MKAD u rajonie aeradroma Lipki.
Śpiecyjalisty prystupili da budaŭnictva puciepravoda ad vuł. Cimirazieva ŭ napramku vuł. Kaleśnikava. Dziakujučy realizacyi hetaha prajekta ŭdasca złučyć Frunzienski i Centralny rajony. Daŭžynia hatovaha zbudavańnia składzie kala 380 mietraŭ. Ruch budzie šaścipałosnym — pa try ŭ kožnym napramku.
Pry hetym na niekatorych skryžavańniach, dzie heta nieabchodna dla razhruzki zapatrabavanych napramkaŭ, źjaviacca dadatkovyja pałosy. Da ŭźviadzieńnia pieršych pralotnych kanstrukcyj płanujuć prystupić u kancy maja — pačatku červienia 2026 hoda.
— Taksama zavieršany pieradprajektnyja pracy i pačynajem prajektavańnie jašče adnaho važnaha łahistyčnaha šlachu — praciah vulicy Čurlonisa z puciepravodam praz čyhunku na vulicu Karžanieŭskaha. Heta dazvolić złučyć Maskoŭski i Kastryčnicki rajony. Da budaŭnictva płanujem prystupić u 2027 hodzie, — adznačyŭ dyrektar «Hardarbuda». — Praciahnie ŭmoŭnaje farmiravańnie tak zvanaha treciaha haradskoha kalca praciah vulicy Siarova z uźviadzieńniem puciepravoda praz čyhunku i vychadam na vulicu Špileŭskaha.
Akramia taho, u 2026 hodzie śpiecyjalisty pačnuć prajektavańnie praciahnieńnia vulicy Maniuški z budaŭnictvam mosta praź Śvisłač z vychadam na vulicu Malinina.