Banki buduć pieradavać padatkavym orhanam źviestki pra pieravody fizičnych asob za miažu
U Biełarusi źmianili paradak pradstaŭleńnia źviestak ab dachodach fizičnych asob. Adpaviednuju pastanovu Savieta ministraŭ padpisaŭ premjer-ministr Alaksandr Turčyn, paviedamlaje pres-słužba ŭrada, piša smartpress.by.
Fota: Lookby.Media
Dakumient, u pryvatnaści, ustanaŭlivaje novy abaviazak dla bankaŭ: jany buduć štokvartalna pieradavać źviestki pra hrašovyja srodki, jakija fizičnyja asoby pieraličvajuć za miažu.
Ciapier banki ŭžo pieradajuć padatkavym orhanam častku źviestak pa apieracyjach fizičnych asob — naprykład, pra pastupleńni z-za miažy i pra rachunki ź vialikimi prychodnymi abarotami.
Taksama pastanovaj vyznačany terminy pradstaŭleńnia źviestak ab dachodach fizičnych asob arhanizacyjami, u dačynieńni da jakich užyvajecca pracedura likvidacyjnaj vytvorčaści.
Jašče adno źmianieńnie datyčycca padatkavych ahientaŭ. Dla ich praduhledžany paetapny pierachod z hadavoha na štokvartalnaje pradstaŭleńnie źviestak ab dachodach fizičnych asob. Taki paradak pačnie prymianiacca z 2027 hoda.