Ministr zamiežnych spraŭ Polščy sustreŭsia z Džonam Koŭłam
Sustreča Radasłava Sikorskaha i śpiecpradstaŭnika prezidenta ZŠA pa Biełarusi adbyłasia ŭ Varšavie.
Fota: Przemysław Keler / KPRP
«Važnyja spravy», — tak Sikorski prakamientavaŭ ich sustreču ŭ X, ale padrabiaznaściaŭ abmierkavańnia jon nie pryvioŭ, piša DW Belarus.
Paśla kožnaha vizitu ŭ Minsk śpiecpasłańnika ZŠA pa Biełarusi Džona Koŭła ŭłady Biełarusi vyzvalajuć palitviaźniaŭ.
U śpisach na vyzvaleńnie nie raz byŭ palitviazień, žurnalist i aktyvist polskaj dyjaspary ŭ Biełarusi Andžej Pačobut, vyzvaleńnia jakoha damahajecca polski bok, adnak jon dahetul znachodzicca ŭ źniavoleńni.
Raniej u praŭładnych biełaruskich ŚMI zajaŭlali, što palitviaźnia vyzvalać tolki paśla taho, jak u Minsk pryjedzie vysokapastaŭleny čynoŭnik polskaha MZS abo ž sam ministr zamiežnych spraŭ Radasłaŭ Sikorski.