Cichanoŭskaja pra Pačobuta: Jahonaja stojkaść, hodnaść i niepachisnaść stali prykładam dla nas usich
Demakratyčnaja lidarka prakamientavała vyzvaleńnie žurnalista.
Śviatłana Cichanoŭskaja apošnija miesiacy chadziła z partretam Andžeja Pačobuta na tečcy. Fota: Volha Shukaila SOPA Images LightRocket via Getty Images
«Heta vialikaja radaść dla jahonaj siamji i dla ŭsich nas — tych, chto padtrymlivaŭ i čakaŭ Andžeja ŭvieś hety čas. Jon pravioŭ za kratami bolš za piać hadoŭ tolki tamu, što nie admoviŭsia ad praŭdy i sumlenna pisaŭ pra toje, što adbyvajecca ŭ Biełarusi. Jahonaja stojkaść, hodnaść i niepachisnaść stali prykładam dla nas usich.
Ja ščyra rada za Andžeja i jahonych blizkich, jakija vytrymali hety ciažki šlach. Viedaju, kolki sił i čakańnia staić za hetym.
Ja dziakuju ŭsim, chto zmahaŭsia za jaho vyzvaleńnie, najpierš — kiraŭnictvu Polščy, ZŠA i našym jeŭrapiejskim partnioram.
My pamiatajem pra ŭsich, chto ŭsio jašče znachodzicca za kratami. I my budziem praciahvać pracavać, pakul kožny ź ich nie apyniecca doma, pobač z rodnymi», — napisała Śviatłana Cichanoŭskaja.