AAE vychodziać z APIEK
Kraina vychodzić z APIEK (arhanizacyi krain-eksparcioraŭ nafty) z 1 maja, paviedamiła Reuters.com.
Fota: Gabriela Maj/Bloomberg via Getty Images
Vychad AAE, daŭniaha člena APIEK (arhanizacyi, ad jakoj šmat u čym zaležać suśvietnyja ceny na naftu), moža pryvieści da chaosu i asłabić arhanizacyju eksparcioraŭ nafty, jakaja raniej imknułasia demanstravać adzinstva.
Rašeńnie AAE pryniata na fonie taho, što vytvorcy APIEK užo sutykajucca ź ciažkaściami transpartavańnia praz Armuzski praliŭ, praź jaki zvyčajna prachodzić piataja častka suśvietnaha abjomu syroj nafty i zvadkavanaha pryrodnaha hazu.
«Vychad AAE z APIEK źjaŭlajecca vialikaj pieramohaj dla prezidenta ZŠA Trampa, jaki abvinavaciŭ arhanizacyju ŭ «ašukanstvie astatniaha śvietu» praz zavyšeńnie cen na naftu», — piša Reuters.
APIEK (Arhanizacyja krain-eksparcioraŭ nafty) — mižnarodnaja mižuradavaja arhanizacyja, stvoranaja z krainami. U skład APIEK uvachodziać 12 krain: Ałžyr, Vieniesueła, Habon, Irak, Iran, Konha, Kuviejt, Livija, Nihieryja, Saudaŭskaja Aravija, Ekvataryjalnaja Hvinieja, AAE.