Ścipłaja, ale važnaja navina: Abjadnanyja Arabskija Emiraty pakinuć APIEK i APIEK+ z 1 maja
Heta važna, tamu što APIEK+ było strukturaj, u jakoj kaardynavali dziejańni na rynku nafty krainy Piersidskaha zaliva, Rasija i Iran, što dazvalała im trymać vysokija ceny.
Prezident Abjadnanych Arabskich Emirataŭ šejch Machamied bin-Zajed el-Nachajan u Kramli sustrakajecca z prezidentam Rasii Uładzimiram Pucinym. Photo by Contributor / Getty Images
Pra hety krok AAE paviedamili ŭ Dziaržaŭnym infarmacyjnym ahienctvie krainy.
Naftavy sajuz Rasii i manarchij Zaliva byŭ najbolšym zdabytkam rasijskaj dypłamatyi 2000‑ch (pamiatajecie słovy Łaŭrova «debiły, b…» padčas pieramoŭ z saudytami, kali Maskvie spačatku nie ŭdavałasia pierakanać šejchaŭ). Hety sajuz daŭ ekanamičnuju asnovu dla rasijskaha ekspansijanizmu. Pakul nieviadoma, ci śledam za AAE anałahičny krok zrobić i niejkaja inšaja kraina.
AAE apošnija hady vystupała hieapalityčnym kankurentam Saudaŭskaj Aravii.
Rašeńnie ŭ AAE pryniali praz enierhietyčny kryzis, jaki razhareŭsia paśla ataki ZŠA i Izraila na Iran.
Svaim rašeńniem Emiraty dajuć sihnał, što buduć samastojna vyznačać, kolki nafty zdabyvać, biez ahladki na kvoty, vyznačanyja mižnarodnaj arhanizacyjaj.