Pa telebačańni pakazali piataha ŭdzielnika abmienu, pieradadzienaha ŭ Biełaruś
Biełaruski dziaržaŭny telekanał STV apublikavaŭ videa ź piatym udzielnikam abmienu pamiž Biełaruśsiu i Polščaj, adnak jaho imia nie nazyvajecca.
Skrynšot ź videa
Na kadrach hetaha čałavieka možna ŭbačyć na punkcie propusku «Pieraroŭ — Biełavieža» na biełaruska-polskaj miažy. Jon źjaŭlajecca ŭ videa na niekalki siekund: na hałavie ŭ jaho kiepka, tvar častkova zakryty bafam. U rukach jon trymaje papiarovy pakiet z padarunkam, jaki, jak paviedamlajecca, uručali ŭdzielnikam u Biełarusi, piša Reform.news.
Inšyja ŭdzielniki abmienu, pieradadzienyja biełaruskamu boku, viadomyja. Siarod ich — asudžany ŭ Małdovie za dziaržaŭnuju zdradu Alaksandr Bełan, były namieśnik kiraŭnika słužby infarmacyi i biaśpieki Małdovy, i biełarus Uładzisłaŭ Nadziejka, zatrymany ŭ Polščy pa abvinavačańni ŭ špijanažy. Taksama ŭ paviedamleńniach zhadvajucca rasijski archieołah Alaksandr Buciahin i zatrymanaja ŭ Małdovie hramadzianka Rasii Nina Papova.
Biełaruś pieradała Polščy žurnalista Andreja Pačobuta, manacha Hžehaža Havieła i Tomaša Biarozu, asudžanaha pa abvinavačańni ŭ špijanažy. Taksama ŭ ramkach abmienu Rasija pieradała Małdovie dvuch supracoŭnikaŭ małdaŭskich śpiecsłužbaŭ, zatrymanych u Rasii.
Čytajcie taksama:
Siarod pieradadzienych Polščaj Biełarusi — taksist z «Paspalitaha rušeńnia» Uładzisłaŭ Nadziejka
Tusk: Siarod vyzvalenych siońnia — biełarus, jaki supracoŭničaŭ z polskimi śpiecsłužbami
Andrej Pačobut: Biełaruskija čynoŭniki paćvierdzili, što ja mahu viarnucca
Baćka Andreja Pačobuta pra vyzvaleńnie syna: «Upadu pierad im na kaleni i pacałuju jamu ruku»
Anžalika Borys: Andrej Pačobut nie maje abmiežavańniaŭ, moža viarnucca ŭ Biełaruś
Udzielniki abmienu — hramadzianka Rasii Nina Papova i hramadzianin Małdovy Alaksandr Bełan