Vyjšła dziciačaja kniha pra pryhody lisy-kiłbasy
U vydaviectvie «Papury» vyjšła kniha Darji Mandzik pra «Pryhody ŭ začaravanym zamku». Kazka apaviadaje historyju pra hnutkuju i hareźlivuju lisu-kiłbasu, piša bellit.info.
Lisa-kiłbasa, pamarančavaja avanturystka i adarviroh, vypadkova trapiła ŭ začaravany zamak i znajšła pryhody na svoj doŭhi nos. Što rabić, kali akazvaješsia ŭ ciomnym kałodziežy? Čamu kamiennyja troli lubiać smarahdy? Čaho bajacca žalaziaki? Što adbudziecca, kali vypješ vady z zamkavaha stava? Kab viedać adkazy na hetyja pytańni, kirujciesia razam ź lisoj-kiłbasoj u ciomny łaz i nie bojciesia — napieradzie śviatło!
Kniha raźličana na dziaciej i darosłych ad čatyroch hadoŭ, maje ćviordy pieraplot i ilustracyi na kožnaj staroncy, dynamičny siužet i tłumačalny słoŭničak u kancy.
Kupić možna ŭ mienskaj kniharni «Parahraf 45», na markietpłejsie Wildberries.by i na Oz.by.