Maniekien dziaŭčynki na vakzale ŭ Minsku napałochaŭ i naśmiašyŭ sacsietki
U Threads abmiarkoŭvajuć maniekien u adnoj z kram z adzieńniem «Śvitanak». Post pra «krychu strašnavatuju» dziaŭčynku sabraŭ 1,5 miljona prahladaŭ, vyklikaŭšy ŭ karystalnikaŭ emocyi ad žachu da śmiechu.
«Pavažany «Śvitanak», a što vy palicie? U samym centry Minska, na vakzale, dzie vielizarny patok turystaŭ dy i ŭ cełym pakupnikoŭ, u vašaj kramie, na ŭvachodzie nas sustrakaje hety balučy cud) jašče i staić sprava ad uvachodnych dźviarej u kucie, kab, jak u filmie žachaŭ, niečakana vyklikać prystup panički. Kuś, za bačok! Kab nie rassłablalisia)», — napisała karystalnica sietki julie_krawt.
Post sabraŭ 600 kamientaroŭ.
Najbolš dziaŭčynka-maniekien nahadała čytačam hierainiu filmaŭ žachaŭ.
«U hałavie hučyć dziciačy hałasok pad krypova tryvožnuju muzyčku: pahulaj sa mnoju, pahulaj, čamu ty sa mnoj nie hulaješ?»
«Hospadzi)))) heta realna strašna))))»
«Realna stromna, žeść».
Adnak šmat kaho niezvyčajnaja lalka prosta raźviesialiła. Karystalniki pryznajucca, što nie mahli strymać emocyi.
«Božački, ja chvilin dziesiać rahatała, ledź nie zadychnułasia ad śmiechu».
Chtości pahladzieŭ na maniekien z žalem, zaŭvažyŭšy, što jon vyhladaje jak «maleńkaja, blednaja, chvaravitaja» dziaŭčynka, jakaja «ručki trymaje tak, niby miłaścinu prosić».
Dziaŭčyncy chutka znajšli siamju.
A taksama imaviernaha aŭtara.
Ludzi stali dzialicca inšymi pryčynami svaich fobij.
U vyniku ŭ tred pryjšli pradstaŭniki kampanii «Śvitanak», jakija admovilisia ad dziaŭčynki. Jany patłumačyli, što krama na vakzale, dzie staić lalka, nasamreč naležyć pradpryjemstvu «DarOrs» — maniekien ich.
U kampanii ža «DarOrs» žurnalistam Onliner adkazali, što «nie bačać ničoha strašnaha ŭ hetym maniekienie», ale pad ciskam ahulnaj uvahi dziaŭčynku ŭsio ž vyrašyli prybrać.