Zialenski daručyŭ vyśvietlić detali pra pieramirje z Rasijaj
Uładzimir Zialenski adreahavaŭ na vyniki ŭčorašniaj telefonnaj razmovy Trampa i Pucina, u jakoj była ahučana ideja pieramirja na 9 maja.
Fota: Mikhail Metzel, Sputnik, Kremlin Pool Photo via AP; AR
Uładzimir Zialenski paviedamiŭ, što daručyŭ ukrainskim pradstaŭnikam źviazacca z kamandaj prezidenta ZŠA i vyśvietlić detali rasijskaj prapanovy ab karotkaterminovym pieramirji.
Pa jaho słovach, Ukraina imkniecca da miru i viadzie nieabchodnuju dypłamatyčnuju pracu dla realnaha zaviaršeńnia hetaj vajny.
«Vyśvietlim, pra što mienavita idzie havorka: pra niekalki hadzin biaśpieki dla parada ŭ Maskvie ci pra niešta bolšaje», — zajaviŭ Zialenski.
Jon taksama ŭ čarhovy raz zajaviŭ, što prapanova Ukrainy — heta spynieńnie ahniu na doŭhaterminovaj asnovie.
Učora Rasija prapanavała zrabić pieramirje na 9 maja, a pazaŭčora stała viadoma, što parad na Krasnaj płoščy ŭ Maskvie projdzie biez vajskovaj techniki z-za bojazi mahčymych krokaŭ Ukrainy.