Urad uzmacniŭ kantrol za jakaściu ałkaholu
U Biełarusi ŭzmacniajuć kantrol za jakaściu ałkaholu. Adpaviednuju pastanovu padpisaŭ premjer-ministr Alaksandr Turčyn.
Zdymak ilustracyjny. Fota: «Naša Niva»
Jak skazana ŭ paviedamleńni ŭrada, pastanovaj uzmacniajucca techničnyja patrabavańni da ałkaholnaj pradukcyi, jakaja padlahaje abaviazkovamu paćviardžeńniu adpaviednaści ŭ formie siertyfikacyi. Uvodzicca abmiežavańnie pa ŭtrymańni chininu i sinilnaj kisłaty ŭ ałkaholnaj pradukcyi, pa ŭtrymańni mietyłavaha śpirtu — dla tekiły i mieskala.
Zabaraniajecca prymianieńnie inhredyjentaŭ, zamiena sartoŭ vinahrada abo ich źmiešvańnie, kali heta nie praduhledžana dakumientami, u adpaviednaści ź jakimi vyrablenaja ałkaholnaja pradukcyja. Zabaraniajecca dadavańnie ŭ ałkaholnuju pradukcyju etyłavaha śpirtu ź niecharčovaj syraviny, a ŭ kańjaki, kańjačnyja napoi, brendzi, dziviny — sintetyčnych farbavalnikaŭ.
Vyznačajucca dadatkovyja techničnyja patrabavańni da viski i vinaŭ šlacham dapaŭnieńnia pieraliku dziaržaŭnych i miždziaržaŭnych standartaŭ, na adpaviednaść patrabavańniam jakich pravodzicca pravierka pry praviadzieńni abaviazkovaj siertyfikacyi.
Pastanova ŭstupaje ŭ siłu praz try miesiacy paśla jaje aficyjnaha apublikavańnia.
Čytajcie taksama:
U Homieli ŭ adnoj z kvater znajšli adrazu try trupy
Niamieckija navukoŭcy: piva bahataje na vitamin B6, u tym liku i biezałkaholnaje