Trampa vyłučyli na Nobieleŭskuju premiju miru
Pavodle infarmacyi ahienctva Reuters, prezident ZŠA Donald Tramp pa ŭsioj vierahodnaści ŭvajšoŭ u śpis naminantaŭ na Nobieleŭskuju premiju miru 2026 hoda. Pra heta paviedamiŭ sakratar Narviežskaha Nobieleŭskaha kamiteta Kryścijan Bierh Charpvikien.
Donald Tramp paśla atrymańnia nobieleŭskaha miedala ad Maryi Mačada. Fota: Bieły dom
Sioleta na premiju vyłučyli 287 kandydataŭ: 208 čałaviek i 79 arhanizacyj. Pavodle słoŭ Bierha Charpvikiena, u paraŭnańni ź minułym hodam u śpisie źjaviłasia šmat novych imionaŭ.
Raniej kiraŭniki Kambodžy, Izraila i Pakistana zajaŭlali, što prapanavali na premiju kandydaturu Trampa. Kali heta sapraŭdy tak, to zajaŭki byli padadzienyja viasnoj i letam 2025 hoda i ličacca sapraŭdnymi, bo apošni termin padačy skončyŭsia 31 studzienia. Adnak niejak pravieryć heta niemahčyma, bo śpisy naminantaŭ zachoŭvajucca ŭ tajamnicy.
Sam Tramp nie raz kazaŭ, što zasłuhoŭvaje hetaj uznaharody bolš čym chto inšy. U 2025 hodzie jon śćviardžaŭ, što paśla viartańnia na pasadu zdoleŭ spynić jak minimum vosiem vojnaŭ.
U studzieni hetaha hoda vieniesuelskaja apazicyjanierka Maryja Karyna Mačada padčas sustrečy ŭ Biełym domie simvalična pieradała Trampu svoj nobieleŭski miedal, atrymany ŭ 2025 hodzie. Arhanizatary ŭručeńnia premii, adnak, zajavili, što adzinym aficyjnym łaŭreatam zastajecca jana.
Užo ŭ sakaviku Tramp zajaviŭ, što bolš nie cikavicca hetaj temaj. Jon taksama havaryŭ, što nie viedaje, jak kanflikt ź Iranam moža paŭpłyvać na jaho šancy atrymać premiju ŭ budučyni.
Čytajcie taksama:
Tramp pryniaŭ nobieleŭski miedal ad Maryi Karyny Mačada FOTAFAKT
U Narviehii nazvali «hańbaj» pieradaču Trampu Nobieleŭskaha miedala miru
Tramp zajaviŭ, što jaho bolš nie cikavić Nobieleŭskaja premija miru
Tramp: Śmiešna, nibyta Narviehija nie kantraluje, kamu dać Nobieleŭskuju premiju
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru