U Jeŭrasajuzie zabaranili pradavać noŭtbuki biez zaradki USB-C
Dla zručnaści karystalnikaŭ usie pryłady pieravodziać na adziny standart.
28 krasavika 2026 hoda ŭ Jeŭrasajuz aficyjna zapracavała novaje praviła: usie novyja noŭtbuki pavinny padtrymlivać zaradku praz USB-C, paviedamlaje Gsmarena.com
Heta finalny etap realizacyi dyrektyvy ES ab adzinym standarcie dla pryład siłkavańnia, jakaja raniej užo zakranuła telefony, płanšety i inšuju elektroniku. Ciapier standart raspaŭsiudžvajecca i na noŭtbuki.
Zakon nie zabaraniaje mieć i inšyja razdymy ŭ dadatak da abaviazkovaha. Ale USB-C pavinien być abaviazkova.
Z hetaha praviła pakul zachoŭvajecca drobnaje vyklučeńnie: hulniavyja i inšyja mahutnyja noŭtbuki, jakija spažyvajuć bolš za 100 Vt, mohuć pa-raniejšamu vykarystoŭvać tradycyjnyja kruhłyja razdymy siłkavańnia nakštałt DC jack.
Hałoŭnaja meta inicyjatyvy — skaracić kolkaść elektronnych adchodaŭ i spraścić žyćcio karystalnikam.
U pierśpiektyvie Jeŭrasajuz źbirajecca zabaranić noŭtbuki ź niazdymnymi batarejami, kab u karystalnikaŭ nie było nijakich ciažkaściaŭ ź ich zamienaj. Darečy, ź lutaha 2027 hoda heta praviła ŭstupaje ŭ siłu dla smartfonaŭ.