U Minsku budujuć novy šmatfunkcyjanalny centr z pramym vychadam ź mietro
Dzie jon budzie?
Tak budzie vyhladać šmatfunkcyjanalny centr «Čačota 2V». Fota: «Minsk-Naviny»
U stalicy na skryžavańni praśpiekta Dziaržynskaha z vulicaj Ja. Čačota ŭzvodziać šmatfunkcyjanalny centr. Dabudavać jaho płanujuć u 2027-m.
Budaŭnictva centra. Fota: «Anłajnier»
Raniej tut źbiralisia zrabić šmatuzroŭnievy parkinh da ŽK «Miehapolis». Ale parkinh tak i nie zaviaršyli. U 2024‑m vyrašana było adabrać ziamlu ŭ kampanii i źnieści toje, što nabudavali.
Novy ŭłaśnik vykupiŭ daŭhabud na aŭkcyjonie, raskazvaje «Anłajnier».
Zakazčykam prajekta vystupaje ZAT «Biełciažmaš». Hetuju arhanizacyju vy možacie viedać pa takich abjektach, jak biznes-centry Omega Tower i na Zacharava, 42, handlovy centr Globo.
Budaŭnictva centra. Fota: «Anłajnier»
Što cikava, novy šmatfunkcyjanalny centr budzie nie tolki prastorny — 23 500 kvadratnych mietraŭ, ale i z redkaj dla Minska fiškaj.
«U kroku ad stancyi mietro «Malinaŭka» budujecca šmatfunkcyjanalny kompleks «Čačota 2V» z pramym vychadam ź mietro prosta ŭ budynak. Piešachody buduć traplać u handlovuju prastoru, nie vychodziačy na vulicu», — tak apisvaje kancept zakazčyk, udakładniajučy, što zaraz źbiraje zajaŭki ad patencyjnych arandataraŭ.
Budaŭnictva centra. Fota: «Anłajnier»
Kaho čakajuć na płoščach «Čačota 2V»? Roznyja kramy, hastramarkiety, restarany, kafe, fudkorty, kaviarni, piakarni. Taksama spadziajucca adkryć fitnes-, viełnies– i bjuci-miescy; dziciačyja i siamiejnyja prastory. A jašče banki, apteki, miedcentry, servisnyja kampanii, ofisy. Spašukalniki pavinny pretendavać na płošču nie mienš za 500 «kvadrataŭ».