Cichanoŭskaja pa zaprašeńni Naŭrockaha ŭdzielničała ŭ śviatkavańniach z nahody Dnia Kanstytucyi ŭ Polščy
Cichanoŭskaja padkreśliła, što Kanstytucyja 3 traŭnia — pieršaja ŭ Jeŭropie — maje značeńnie i dla biełarusaŭ, bo heta častka našaj ahulnaj jeŭrapiejskaj spadčyny.
Fota tut i dalej: pres-słužba Cichanoŭskaj
Śviatłana Cichanoŭskaja ŭdzielničała ŭ śviatkavańniach z nahody Dnia Kanstytucyi 3 traŭnia ŭ Polščy, paviedamlaje jaje pres-słužba. Na zaprašeńnie prezidenta Polščy jana prysutničała na cyrymonii ŭznaharodžańnia Andžeja Pačobuta ordenam Biełaha Arła — najvyšejšaj dziaržaŭnaj uznaharodaj Polščy.
Paśla, razam z namieśnikam kiraŭnicy Abjadnanaha pierachodnaha kabinieta Paŭłam Łatuškam i pradstaŭnikami polskich uładaŭ, Cichanoŭskaja prajšła ŭračystym maršam pa centry Varšavy i ŭziała ŭdzieł u mierapryjemstvach u Prezidenckim pałacy.
Cichanoŭskaja padkreśliła, što Kanstytucyja 3 traŭnia — pieršaja ŭ Jeŭropie — maje značeńnie i dla biełarusaŭ, bo heta častka našaj ahulnaj jeŭrapiejskaj spadčyny.
Jana adznačyła, što hety dakumient zakłaŭ pryncypy, za jakija biełarusy zmahajucca i siońnia: abmiežavanuju ŭładu, adkaznaść pierad hramadstvam i viaršenstva prava.