Drony zalatajuć u Biełaruś amal štodnia, pryznali ŭ vojsku
«Ad tych maršrutaŭ, jakija pralahajuć mima našych miežaŭ, byvaje, bieśpiłotnyja latalnyja aparaty adchilajucca».
Kamandujučy VPS i vojskami SPA Andrej Łukjanovič. Skrynšot STB
Drony zalatajuć u Biełaruś amal štodnia, paviedamiŭ kamandujučy VPS i vojskami SPA Andrej Łukjanovič.
«My majem vystupy jak na terytoryi Ukrainy, tak i na terytoryi Rasijskaj Fiederacyi, na poŭdni, na ŭschodzie. Tamu ad tych maršrutaŭ, jakija pralahajuć mima našych miežaŭ, byvaje, bieśpiłotnyja latalnyja aparaty adchilajucca i parušajuć pavietranuju prastoru. U tym liku srodki elektronnaj baraćby ŭpłyvajuć na maršrut palotu», — prakamientavaŭ Łukjanovič na STB.
Jon dadaŭ, što, kali pavietranaja cel ujaŭlaje pahrozu krytyčna važnym abjektam, jaje źniščajuć.
Ułady redka kamientujuć incydenty ź bieśpiłotnikami, jakija zalatajuć u biełaruskija nasielenyja punkty.
U lutym, kali rasijskim vajskoŭcam adklučyli Starlink, dronaŭ stała zalatać bolej. U sakaviku huk, padobny da drona, čuli ŭ Minsku.
Vajenna-pavietranyja siły i vojski SPA Biełarusi ŭ sakaviku paviedamlali, što źbili try drony, jakija zalacieli ŭ našu krainu z-za miažy.