U Hrodnie padletki pužali žycharoŭ cacačnaj zbrojaj z dachu
Hrodzienskaja milicyja paviedamiła pra padletkaŭ, jakija zaleźli na dach šmatpaviarchovika i imitavali adtul «stralbu» z pradmieta, padobnaha na pistalet.
Incydent adbyŭsia na Indurskaj šašy, 4/2. Infarmacyja pra heta spačatku źjaviłasia ŭ internecie i vyklikała rezanans, a paśla taho da jaje padklučylisia i siłaviki.
Prykładna praz hadzinu paśla pryjezdu na miesca jany ŭstanavili, što ŭdzielnikami zabavy byli piać padletkaŭ va ŭzroście ad 13 da 15 hadoŭ. Vyśvietliłasia, što «zbroja», jakoj jany karystalisia, była cackaj. Pa słovach padletkaŭ, jany ŭvohule i nie celilisia ŭ ludziej, a prosta zabaŭlalisia i chacieli pahladzieć horad z vyšyni.
Ciapier pa hetaj spravie pravodzicca pravierka. Pakolki dostup na dach byŭ nie zakryty, to asobna razhladajecca pytańnie pra biaśpieku budynka i mahčymyja parušeńni.
Milicyja zaklikaje baćkoŭ bolš uvažliva sačyć za volnym časam dziaciej i tłumačyć im praviły biaśpieki, kab paźbiahać padobnych situacyj u budučyni.
Čytajcie taksama:
U Mastach pjanyja mužyki stralali z kvatery ź pnieŭmatyki. I trapili ŭ susiedski «Opiel»
U bary na Zybickaj naviedvalniki nie padzialili kresła. Ciapier budzie sud
Minčanka pabačyła na dvary, jak mužčyna drapaje klučami čužuju mašynu. I nie prajšła mima