Amierykanski telekanał prapanuje 50 tysiač dalaraŭ za prahlad usich matčaŭ čempijanatu śvietu pa futbole
Amierykanski viaščalnik Fox sumiesna ź mižnarodnym sajtam pa pošuku pracy Indeed adkryŭ vakansiju «hałoŭnaha hledača čempijanatu śvietu pa futbole — 2026».
Fota: Marcio Machado — FIFA / FIFA via Getty Images
Fox płanuje naniać «adnaho kvalifikavanaha zaŭziatara», jaki pahladzić tranślacyi ŭsich 104 matčaŭ budučaha čempijanatu śvietu pa futbole na telekanale Fox One sa «śpiecyjalna abstalavanaha miesca» na Tajms-skvier u Ńju-Jorku.
Za prahlad usich matčaŭ praduhledžany zarobak $50 tys.
U abaviazki «hałoŭnaha hledača čempijanatu śvietu pa futbole» budzie ŭvachodzić prahlad kožnaj chviliny matčaŭ, stvareńnie i publikacyja kantentu na praciahu ŭsiaho turniru. Taksama treba budzie «zavodzić» hladackuju zału na Tajms-skvier.
ČS-2026 upieršyniu adbudziecca z udziełam 48 nacyjanalnych kamand i stanie pieršym, jaki projdzie na terytoryi adrazu troch krain: ZŠA, Kanady i Mieksiki.
Turnir budzie doŭžycca z 11 červienia pa 19 lipienia. Na hrupavym etapie ŭ dzień budzie prachodzić pa čatyry matčy.
Z 1998 pa 2022 hod u čempijanatach śvietu ŭdzielničali 32 kamandy, usiaho hulałasia 64 matčy.