Italjaniec zajaŭlaje, što jahonaja pica — najlepšaja ŭ vioscy Kryvaja Biaroza. Čynoŭniki sumniajucca
Ministerstva antymanapolnaha rehulavańnia i handlu Biełarusi źviarnuła ŭvahu na pracu piceryi «Papača Pica» ŭ vioscy Kryvaja Biaroza Smalavickaha rajona.
Ustanova pracuje z 2025 hoda i naležyć italjanskamu kucharu i jahonaj žoncy. Ich dziejnaść aformlenaja jak samastojnaja prafiesijnaja, a nie pradprymalnickaja, tamu kantrol z boku dziaržavy ŭ takim vypadku abmiežavany. Akramia taho, sanitarnaje zakanadaŭstva nie vyznačaje asobnych patrabavańniaŭ da fizičnych asob u hetym vidzie dziejnaści.
Adnak Ministerstva pryznała niapravilnaj rekłamu piceryi, dzie śćviardžałasia, što jany hatujuć «najlepšuju picu ŭ horadzie» i što ŭ ich «najlepšy italjanski šef-kuchar». Takija zajavy ličacca niepravamiernymi, bo nie paćvierdžanyja dakumientalna i mohuć uvodzić spažyŭcoŭ u zman. U vyniku ŭładalnikam było pradpisana spynić raspaŭsiud takoj rekłamy.
U cełym adznačajecca, što navat kali dziejnaść viadziecca jak fizičnaj asobaj i nie padpadaje pad žorstkaje rehulavańnie, adkaznaść za jakaść pradukcyi i pasłuh usio roŭna niasie sam vykanaŭca. Dziaržava ž praciahvaje kantralavać vykanańnie zakonaŭ i abaronu pravoŭ spažyŭcoŭ.
Čytajcie taksama:
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
Hruzin adkryŭ piakarniu ŭ Zasłaŭi. Raniej hatavaŭ chačapury, a ciapier pierajšoŭ na picy
U Minsku adkryŭsia restaran biełaruskaj kuchni z pamyłkaj u naźvie. Atrymałasia dvuchsensoŭna