Polšča i Litva zajavili, što hatovyja pryniać amierykanskija vojski, vyviedzienyja z Hiermanii
Prezident Polščy zajaviŭ, što asabista płanuje pierakonvać Donalda Trampa nakiravać ich na ŭschod, piša Politico.
Hitanas Naŭsieda i Karal Naŭrocki padčas naviedvańnia sumiesnych vučeńniaŭ. Fota: Damian Lemanski / Bloomberg via Getty Images
«Kali prezident Donald Tramp vyrašyć skaracić amierykanskuju vajennuju prysutnaść u Hiermanii, to my ŭ Polščy hatovyja pryniać amierykanskich sałdat», — zajaviŭ Karal Naŭrocki padčas vučeńniaŭ NATO u Litvie.
Jon dadaŭ, što ŭ Polščy ŭžo jość «hatovaja infrastruktura» dla takoha kroku.
«Ja dumaju, što zadača prezidenta Polščy, dziela Polščy, a taksama dziela ŭsioj Jeŭropy, zaklučajecca ŭ tym, kab pierakanać prezidenta Donalda Trampa ŭ tym, što, pryniaŭšy takoje rašeńnie adnosna kolkaści vojskaŭ u Hiermanii, jon pavinien pakinuć hetych sałdat u Jeŭropie, heta značyć u Polščy, u adnoj z krain Bałtyi abo ŭ inšym rehijonie», — zajaviŭ Naŭrocki.
Hetuju pazicyju padtrymaŭ taksama prezident Litvy Hitanas Naŭsieda.
«Pierš za ŭsio, my chočam, kab amierykanskija sałdaty zastavalisia ŭ Jeŭropie. Važna, kab Vašynhton praciahvaŭ nadavać uvahu rehijonu, tamu sajuźniki pa NATO pavinny zrabić usio, kab Złučanyja Štaty nie adviarnulisia ad Jeŭropy», — skazaŭ jon.
Naŭsieda zapeŭniŭ, što jaho kraina hatovaja pryniać bolš sajuznych sił, dadaŭšy, što čakaje raźmiaščeńnia ŭ Litvie 5000 niamieckich vajskoŭcaŭ da kanca 2027 hoda. Zaraz u Litvie znachodzicca bolš za 1000 amierykanskich vajskoŭcaŭ.