Piensijaniercy ź Minska prysudzili kałoniju pa dvuch palityčnych artykułach. Jaje zatrymali za Hajuna
Taćcianu Stasievu zatrymali jašče ŭ mai 2025 hoda.
Taćciana Stasieva. Fota ź jaje Adnakłaśnikaŭ
Taćcianie Stasievaj 59 hadoŭ. Jana minčanka. U 1983 hodzie skončyła škołu №123, a paśla pastupiła ŭ Minski radyjotechničny instytut (ciapier BDUIR), jaki skončyła ŭ 1988-m. U Taćciany jość darosłyja dačka i syn.
Spadarynia Taćciana lubić bavić čas na leciščy, zajmacca aharodam i chadzić u hryby dy jahady. Taksama padarožničaje pa Biełarusi.
Spakojnaje žyćcio minčanki pierapyniłasia 21 maja 2025 hoda, kali jaje zatrymali i źmiaścili ŭ SIZA. Pa źviestkach pravaabaroncaŭ, kryminalny pieraśled piensijanierki źviazany sa spravaj prajekta «Biełaruski Hajun».
Taćcianu sudzili ŭ Minskim haradskim sudzie pa dvuch artykułach Kryminalnaha kodeksa: č. 3 art. 361 KK (zakliki da sankcyjaŭ i inšych dziejańniaŭ, nakiravanych na pryčyńnie škody Biełarusi) i č. 1 art. 361‑4 KK (sadziejničańnie ekstremisckaj dziejnaści).
Pa hetych artykułach joj mahli prysudzić tolki kałoniju. Niadaŭna prysud ustupiŭ u siłu.