Try dni tamu na ŭčastku pamiž Minskam i Baranavičami surjozna zatrymlivalisia ciahniki. Stała viadoma čamu

Na ŭčastku čyhunki pamiž Haradziejaj i Stoŭbcami 6 maja 2026 hoda adbylisia surjoznyja zatrymki pasažyrskich ciahnikoŭ. Siarod zatrymanych byli ciahniki Brest — Sankt-Pieciarburh i Hrodna — Viciebsk. «Supolnaść čyhunačnikaŭ Biełarusi» daviedałasia, u čym była pryčyna hetaj niaštatnaj situacyi.

Biełaruskaja čyhunka aficyjna patłumačyła incydent «časovym abmiežavańniem chutkaści ruchu», z-za jakoha niekalki ciahnikoŭ prybyli ź istotnym spaźnieńniem — prykładna da paŭtary hadziny.

Paźniej vyśvietliłasia, što pryčynaj abmiežavańnia ruchu mahła stać techničnaja situacyja, źviazanaja z pravierkaj stanu čyhunačnaha pałatna.

Pavodle techničnaj viersii, paśla prachodžańnia adnaho ź ciahnikoŭ byli vyjaŭlenyja mahčymyja niaspraŭnaści kołavych par — tak zvanyja «paŭzuny» (plaskatyja ŭčastki na kołach, jakija ŭźnikajuć pry ich błakiroŭcy padčas ruchu). Takija defiekty mohuć vyklikać udary pa rejkach i stvarać ryzyku paškodžańnia infrastruktury i niebiaśpieku dla inšych ciahnikoŭ.

Prykład «paŭzuna»

Mienavita tamu na ŭčastku ŭviali abmiežavańnie chutkaści i pravierku stanu puciej. U padobnych vypadkach heta standartnaja miera biaśpieki, jakaja dazvalaje paźbiehnuć bolš surjoznych avaryj.

Paśla incydentu pravodziŭsia dadatkovy ahlad jak čyhunki, tak i samoha ruchomaha sastavu. Pry hetym dakładnyja pryčyny ŭźniknieńnia niaspraŭnaści nie byli aficyjna ahučanyja. 

Kamientary da artykuła