U Barsiełonie na demanstracyju z antypucinskimi płakatami napadała žančyna z čyrvona-zialonym ściaham VIDEA
Antypucinskija rasijanie z arhanizacyi Rusos Libres («Svabodnyja ruskija») na šeście «Bieśśmiarotnaha pałka» ŭ Barsiełonie pryjšli z płakatam «Nie pucinskamu fašyzmu». Da ich dałučylisia ŭkrainskaja dyjaspara i nieabyjakavyja ispancy, ale skončyłasia ŭsio kanfliktam.
Skrynšot ź videa
«Nas bili. I, darečy, užo nie pieršy raz. Budziem padavać zajavu ŭ palicyju. Paśla hetaha my pierakryli im darohu. Nas było šmat, i prajści pa bulvary jany nie zmahli. U vyniku dvojčy abyšli vakoł arki i, patančyŭšy niedzie ŭ kucie, na hetym svajo pabiedabieśsie i skončyli», — paviedamili rasijskija aktyvisty.
Na videa z padziei vidać, što adnoj z najbolš aktyŭnych udzielnic bojki z boku pucincaŭ była žančyna z łukašenkaŭskim čyrvona-zialonym ściaham u rukach. Ci sama jana biełaruska, skazać pakul ciažka.
Čytajcie taksama:
U abłasnych haradach Biełarusi prarasijskija aktyvisty praviali «Bieśśmiarotnyja pałki»
U Minsku nie dazvolili pravieści šeście «Bieśśmiarotnaha pałka»
Łukašenka zajaviŭ pra namier pieranosić u Biełaruś pareštki savieckich sałdat ź jeŭrapiejskich krain