AZS vystupili suprać rehulavańnia cen u svaich kramach na zapraŭkach
Sietki aŭtazapravačnych stancyj źviarnulisia ŭ MARH z prośbaj admianić dla ich cenavaje rehulavańnie, raspaviali ŭ pres-słužbie viedamstva.
Z kalektyŭnym zvarotam da ministerstva źviarnulisia klučavyja hulcy rynku, uklučajučy dziaržaŭny kancern «Biełnaftachim», pryvatnuju sietku «A-100 AZS», a taksama zamiežnych apierataraŭ — «Hazpramnafta-Biełnaftapradukt», «ŁUKOJŁ Biełarusija» i «Tatbiełnaftapradukt».
Biznes nastojvaŭ na tym, što śpiecyfika pracy prydarožnaha servisu patrabuje bolšaj hnutkaści ŭ vyznačeńni handlovych nadbavak, jakija ciapier abmiežavanyja dziaržavaj.
Sietkam AZS nieabchodna kampiensavać vysokija ekspłuatacyjnyja vydatki i padtrymlivać kruhłasutačny farmat pracy.
Tym nie mienš, u MARH paśla analizu pazicyj roznych dziaržorhanaŭ i mahčymych nastupstvaŭ prapanovu nie padtrymali.
Pry hetym u ministerstvie adznačyli, što hatovyja praciahvać pracavać nad «udaskanaleńniem» sistemy rehulavańnia.