Ułady ahučyli, kolki pa Minsku vyviešana čyrvona-zialonych ściahoŭ na budynkach
Čynoŭnica zapeŭnivaje, što heta inicyjatyva samich žylcoŭ.
U Minsku na budynkach raźviešana bolš za 3,5 tysiačy dziaržaŭnych ściahoŭ. Takija danyja ahučyła načalnica ŭpraŭleńnia ideałahičnaj raboty, kultury i spraŭ moładzi administracyi Kastryčnickaha rajona Minska Alena Byčanok u efiry STB.
Šmat čyrvona-zialonych ściahoŭ — na žyłych damach «Minsk-Śvietu». Čynoŭnica kaža, što heta nibyta sami ludzi tak zachacieli.
«Viadoma, žylcy zacikaŭleny, kab budynki byli ŭpryhožany dziaržaŭnymi ściahami. Absłuhovyja arhanizacyi ŭstanaŭlivajuć ich ź inicyjatyvy žycharoŭ, a taksama sočać za stanam raźmieščanych dziaržaŭnych ściahoŭ na dachach».
Byčanok niekalki razoŭ padkreśliła, što vyviešvańnie čyrvona-zialonych ściahoŭ na budynkach — inicyjatyva samich žylcoŭ. Ale viadoma, što paśla 2020‑ha takija patrabavańni časta prychodzili źvierchu. U 2021 hodzie administracyja Pieršamajskaha rajona stalicy patrabavała da IT-kampanij u PVT raźmiaścić ściahi na budynkach. U 2023 hodzie paviedamlałasia, jak Zielanbud u Frunzienskim rajonie patrabavaŭ taho ž ad pryvatnych kampanij.