U Minsku vaśmikłaśnik vynies machlaram hrošy baćkoŭ
Spačatku padletka padmanuli pad vyhladam zamieny damafona, a potym zapałochali, pradstaviŭšysia supracoŭnikami BiełDIE i KDB.
«Vaśmikłaśnik pavieryŭ i znajšoŭ doma 4,6 tysiačy dołaraŭ i kala 6 tysiač rubloŭ. Usie hrošy jon na vulicy pieradaŭ nieznajomcu, jakoha ličyŭ kurjeram Nacyjanalnaha banka», — paviedamili ŭ milicyi.
Na hetym ašukancy nie spynilisia: jany znoŭ patelefanavali školniku i paprasili dać słuchaŭku baćkam. Baćku chłopca prasili nie źviartacca ŭ milicyju, adnak mužčyna nie pavieryŭ i patelefanavaŭ pa numary 102.
Supracoŭniki kryminalnaha vyšuku apieratyŭna ŭstanavili i zatrymali kurjera. Pry im byli znojdzieny i kanfiskavany hrošy siamji padmanutaha školnika.
19‑hadovy minčuk taksama byŭ padmanuty pa schiemie zamieny damafona i paśpieŭ zabrać hrošy jašče ŭ dvuch mužčyn. Paśla hetaha jon advioz ich u Oršu i pieradaŭ jašče adnamu kurjeru.