U Homieli pačali vytvorčaść piečki-rakiety dla dačnikaŭ
Homielski zavod «Kamunalnik» pačaŭ vypusk nievialikaj piečki-rakiety, pryznačanaj dla adpačynku na pryrodzie i dačnych pajezdak. Pradpryjemstva płanuje pradstavić navinku na Homielskim ekanamičnym forumie, jaki projdzie ŭ kancy maja, piša vydańnie «Biełka».
Piečka raźličanaja najpierš na dačnikaŭ, turystaŭ i amataraŭ piknikoŭ. Jana pracuje na drovach abo pieletach, prostaja ŭ vykarystańni i dazvalaje hatavać ježu na adkrytym pavietry. Na vierchniuju častku mietaličnaj truby možna stavić kazan.
Padobnyja piečki ŭžo vypuskajuć i inšyja vytvorcy, ale homielski varyjant adroźnivajecca vielmi kampaktnymi pamierami. Pa słovach kiraŭnictva zavoda, novaja madel budzie amal «čamadannaha» farmatu, tamu jaje zručna brać z saboj u padarožžy.
Na pradpryjemstvie adznačajuć, što popyt na takuju pradukcyju ŭžo jość, tamu razhladajecca mahčymaść prodažu praz markietpłejsy. Košt piečki płanujuć zrabić kala 170 biełaruskich rubloŭ. Pry hetym kupić jaje možna ŭžo ciapier niepasredna ŭ vytvorcy.
Čytajcie taksama:
Niekatorym dačnikam dazvolili płacić za elektryčnaść mienš
Čamu navat maładym nie varta biehčy za aŭtobusam, što adjazdžaje