Šeść budynkaŭ u Minsku złučać pamiž saboj halerejami
U Minsku budujuć novy sacyjalny pansijanat «Soniečny» dla dziaciej z asablivaściami raźvićcia. Kompleks źjavicca na vulicy Vyhockaha, 16 i budzie składacca z šaści asobnych budynkaŭ, jakija złučać pamiž saboj śpiecyjalnymi halerejami, paviedamiŭ «Minskbud».
Fota: «Minskbud»
Budaŭniki paviedamili, što da kanca maja płanujuć zaviaršyć manalitnyja raboty pa karkasach usich abjektaŭ. U budynkach, dzie raźmieściacca basiejn i spartyŭnaja zała, užo hatovyja źniešnija ścieny, praciahvajucca raboty pa dachu i ŭnutranych kamunikacyjach.
Akramia hetaha, na terytoryi prakładajuć ciepłavyja i vodapravodnyja sietki, a ŭ mai taksama pačnuć bietanavańnie padmurkaŭ dla aharodžy kompleksu.
Novy pansijanat budzie dvuchpaviarchovym, ale davoli vialikim pa płoščy — bolš za 6,6 tysiačy kvadratnych mietraŭ. Jon raźličany na 120 miescaŭ.
Čytajcie taksama:
Z 1 lipienia buduć novyja patrabavańni da arendnaha žylla
Pad Minskam budujuć ciaplicy pamieram u 8 futbolnych paloŭ
Na praśpiekcie Mašerava z-za budaŭnictva mietro skarektavali arhanizacyju darožnaha ruchu