Enierhasistema Kuby znachodzicca ŭ krytyčnym stanie praz amierykanskuju błakadu
«U nas absalutna niama mazutu i absalutna niama dyzielnaha paliva. U nas niama zapasaŭ», — skazaŭ ministr enierhietyki.
Fota: Magdalena Chodownik/Anadolu via Getty Images
Enierhasistema Kuby znachodzicca ŭ krytyčnym stanie praz amierykanskuju błakadu, zajaviŭ kubinski ministr enierhietyki Visentie de ła O Levi ŭ efiry teleprahramy Mesa Redonda.
«U nas absalutna niama mazutu i absalutna niama dyzielnaha paliva. U nas niama zapasaŭ», — skazaŭ jon.
Ministr pryznaŭ, što kolkaść adklučeńniaŭ elektraenierhii ŭ Havana rezka vyrasła, u mnohich rajonach stalicy śviatło adsutničaje 22 hadziny na sutki.
Naprykancy studzienia Donald Tramp uvioŭ režym nadzvyčajnaha stanovišča praz pahrozu nacyjanalnaj biaśpiecy z boku Kuby. Heta dazvoliła ZŠA ŭvodzić dadatkovyja myty na impart z krain, jakija pastaŭlajuć naftu na vostraŭ.