Na dach škoły ŭ Smalavickim rajonie źlacielisia paŭtara dziasiatka busłoŭ VIDEA

Ranicaj u ahraharadku Alesina Smalavickaha rajona miascovyja žychary stali śviedkami niezvyčajnaj karciny — na dachu škoły sabrałasia vialikaja kolkaść busłoŭ.

Skrynšot ź videa

Vidavočca apublikavała videa ŭ sacyjalnych sietkach i raskazała, što ptuški pačali adna za adnoj prylatać da budynka škoły. U niejki momant u niebie i na dachu možna było ŭbačyć kala piatnaccaci busłoŭ adnačasova. Jany pa čarzie apuskalisia na dach, stvarajučy ŭražańnie sapraŭdnaha ptušynaha «schodu».

Žančyna pryznałasia, što nikoli raniej nie bačyła stolki busłoŭ u adnym miescy. Pavodle jaje słoŭ, zvyčajna traplajucca tolki niekalki ptušak, a hetym razam usio vyhladała jak sapraŭdnaje pryrodnaje šou.

Karystalniki sacsietak z humaram adreahavali na videa. Adny žartujuć, što busły sabralisia na «płaniorku», inšyja pišuć, što takaja kampanija moža navat paŭpłyvać na školnuju atmaśfieru.

Kamientary da artykuła