Kala bierahoŭ AAE zachapili sudna, jano pajšło ŭ bok Irana
Brytanski centr marskich handlovych apieracyj UKMTO paviedamiŭ, što 14 maja ŭ rajonie kala 38 marskich mil na paŭnočny ŭschod ad porta Fudžejra ŭ AAE nieviadomyja ŭzbrojenyja asoby zachapili sudna. Paśla hetaha jano źmianiła kurs i nakiravałasia ŭ terytaryjalnyja vody Irana.
Armuzski praliŭ. Zdymak ilustracyjny. Fota: Asghar Besharati / Getty Images
Padrabiaznaści pra samo heta sudna i jaho ekipaž pakul nie raskryvajucca.
Na fonie rostu napružanaści ŭ rehijonie Armuzskaha praliva Japonija paviedamiła, što adno z sudnaŭ, źviazanych z krainaj, biaśpiečna prajšło praz praliŭ i vyjšła ŭ Piersidski zaliŭ. Na borcie znachodzilisia čatyry japonskija maraki, jašče niekalki dziasiatkaŭ sudnaŭ, źviazanych ź Japonijaj, zastajucca ŭ rehijonie.
Taksama Indyja asudziła napad na handlovaje sudna pad indyjskim ściaham kala bierahoŭ Amana i nazvała ataki na kamiercyjnyja karabli nieprymalnymi.
Iranski MZS zajaviŭ, što Armuzski praliŭ zastajecca adkrytym dla handlovaha sudnachodstva pry ŭmovie supracoŭnictva ź iranskimi vajskova-marskimi siłami.
Na fonie incydentaŭ u rehijonie pieraboi ŭ sudnachodstvie praz praliŭ praciahvajuć upłyvać na suśvietnyja ceny na naftu i haz i vyklikajuć zaniepakojenaść krain-imparcioraŭ.
Čytajcie taksama:
«Maskitny fłot» Irana: jak proćma maleńkich kataraŭ supraćstaić VMS ZŠA ŭ Armuzskim pralivie
Iran zachavaŭ 70% rakietnaha arsienała, niahledziačy na zajavy Trampa ab razhromie Tehierana — NYT
Tramp hublaje ciarpieńnie i razhladaje mahčymaść adnaŭleńnia vajny ź Iranam
ZŠA i Kitaj pahadzilisia, što Iran nikoli nie budzie vałodać jadziernaj zbrojaj