«Niešta ŭ hryby sioleta raschaciełasia». Pad Barysavam na poli pabačyli adrazu piać miadźviedziaŭ

Takuju karcinu zaśviedčyŭ adzin ź biełarusaŭ i padzialiŭsia videa ŭ sacsietkach. Rolik užo razyšoŭsia pa pablikach, i mnohija kamientatary ŭstryvožylisia nie na žart, zaŭvažyła vydańnie «MohilevOnłajn».

Skrynšot ź videa

«Heta ž… zhraja?.. Tabun?.. Jak nazyvajecca takaja kolkaść miadźviedziaŭ?» — ździviŭsia niechta ŭ Threads.

«Niešta ich zanadta šmat stała. Moža, para niešta z hetym rabić? Ci dačakajemsia, pakul kaho-niebudź jany razarvuć…» — vykazaŭ aściarohi inšy karystalnik.

U kamientaryjach znajšlisia tyja, chto paćvierdziŭ, što kolkaść miadźviedziaŭ u hetym rajonie sapraŭdy stała zaŭvažnaj.

Posmotrieť v Threads

Tak, naprykład, adzin čałaviek pryznaŭsia, što bačyŭ adrazu troch darosłych miadźviedziaŭ kala vioski Niemanica napiaredadni, a jašče adzin miascovy žychar adrapartavaŭ pra toje, što bačyŭ miadźviedzia pobač ź vioskaj Novaje Jančyna, pryčym za paŭkiłamietra ad aŭtamabila (heta ŭsio taksama ŭ Barysaŭskim rajonie).

Inšyja karystalniki pakazali i raskazali, što sustrakajuć miadźviedziaŭ na Viciebščynie i ŭ inšych abłaściach i rajonach Biełarusi.

«Niešta pa hryby sioleta raschaciełasia: to klaščy, to miadźviedzi. Dobryja naviny jość?» — pakinuŭ kamientaryj jašče adzin biełarus.

Kamientary da artykuła