«Biełdžy» płanuje sioleta vypuścić 10 tysiač elektramabilaŭ i hibrydaŭ
Zavod «Biełdžy» płanuje sioleta vypuścić 10 tys. elektramabilaŭ i hibrydaŭ. Pra heta ŭ intervju sb.by raspavioŭ hienieralny dyrektar pradpryjemstva Hienadź Śviderski.
Fota: sb.by
«U płanach zavoda na 2026 hod namiečana vytvorčaść jakraz 10 tysiač elektramabilaŭ i hibrydaŭ. Płanujecca vypuskać try madeli — Geely EX5, Geely EX2, a taksama hibryd BELGEE X80 Phev. Prodažy hetych aŭtamabilaŭ pieraŭzyšli našy čakańni. Kali letaś my pradali ŭsiaho tysiaču takich mašyn, to ŭ hetym hodzie — užo bolš za try tysiačy aŭtamabilaŭ», — skazaŭ jon.
Ahulny abjom vytvorčaści na hety hod płanujecca na ŭzroŭni 90 tys. mašyn. Taki ž pakazčyk byŭ dasiahnuty i letaś. Usiaho z momantu zapusku zavoda ŭžo vyrablena bolš za 400 tys. aŭtamabilaŭ.