Z 1 červienia padaražeje kamunałka
U pieršy letni miesiac adbudziecca druhi etap pavyšeńnia taryfaŭ na žyllova-kamunalnyja pasłuhi.
Fota: Lookby.Media
Padaražańnie zakranie try klučavyja pazicyi:
- ciepłaenierhiju;
- haračaje vodazabieśpiačeńnie;
- elektraenierhiju, jakaja vykarystoŭvajecca dla aciapleńnia.
Pavieličeńnie sumy ŭ žyroŭcy budzie nievialikim — siaredni płaciež vyraście na 3,12 rubloŭ (2,6 rubla — za aciapleńnie, 0,53 rubla — za haračaje vodazabieśpiačeńnie).
Akramia taho, ź pieršaha letniaha miesiaca pavysicca taryf na elektraenierhiju. Košt vyraście na 7,3% — da 0,0487 rub. za 1 kVt/h. Za 1000 kVt/h u mai treba było zapłacić 45,4 rubla, a ŭ červieni za anałahičny abjom spažyvańnia apłata pavialičycca da 48,7 rub.
U studzieni byŭ padpisany ŭkaz ab dvuchetapnym pavyšeńni taryfaŭ na žyllova-kamunalnyja pasłuhi — z 1 studzienia i z 1 červienia.
U studzieni płanavałasia padaražańnie ŭsich pasłuh, akramia haračaj vady i aciapleńnia, na 17,05 rubla. Adnak paśla, u suviazi z anamalna chałodnym nadvorjem, pavyšeńnie taryfaŭ vyrašyli pieranieści z 1 studzienia na 1 sakavika.