Šeść biełaviežskich zubroŭ zavieźli ŭ Baškartastan
Šeść zubroŭ ź Biełaviežskaj puščy dastavili ŭ rasijski Baškartastan, dzie praciahvajecca prajekt pa adnaŭleńni papulacyi hetych žyvioł, piša BiełTA.
Skrynšot videa BST
Žyvioł pieravieźli ŭ pryrodny park «Muradymaŭskaja ciasnina» ŭ Kuharčynskim rajonie. Amal try tysiačy kiłamietraŭ i troje sutak u darozie zubry pieranieśli biez prablem. Padčas pajezdki ich rehularna karmili i paili.
U Baškartastan adpravili adnaho darosłaha samca i piać samak. Dźvie ź ich užo chutka pavinny prynieści patomstva. Spačatku žyvioły buduć znachodzicca ŭ śpiecyjalnych valjerach na karancinie, a praz adzin-dva miesiacy ich płanujuć vypuścić u pryrodu.
Śpiecyjalisty adznačajuć, što zubry žyli na Paŭdniovym Urale jašče tysiačy hadoŭ tamu, ale ŭ minułym stahodździ byli całkam źniščanyja čałaviekam. Ciapier u rehijonie adnaŭlajuć ich papulacyju.
Pieršyja 18 zubroŭ ź Biełarusi pryvieźli ŭ Baškartastan jašče ŭ 2023 hodzie. Jany paśpiachova adaptavalisia i ŭžo dali patomstva. Da 2030 hoda kolkaść zubroŭ u rehijonie płanujuć pavialičyć da 50 asobin.
Čytajcie taksama:
Baškartastan kupić u Biełarusi jašče 9 zubroŭ
U Baškartastan zaviazuć jašče 18 biełaruskich zubroŭ
U Rasiju adpravili jašče dzieviać biełaviežskich zubroŭ