Machlary rassyłajuć fišynhavyja spasyłki ad imia DAI pra nieapłačanyja štrafy
Apłata štrafaŭ prymajecca taksama vyklučna praź sistemu ARIP i aficyjnyja bankaŭskija dadatki, nahadvajuć u milicyi.
Apošnim časam fiksujucca vypadki, kali hramadzianam u miesiendžarach prychodziać paviedamleńni pra nibyta nieapłačanyja štrafy DAI z patrabavańniem terminova pierajści pa spasyłcy. Złamyśniki masava rassyłajuć takija paviedamleńni ŭ Viber, Telegram i WhatsApp, paviedamlaje hrodzienskaja milicyja.
«Usie aficyjnyja internet-resursy orhanaŭ i ŭstanoŭ Respubliki Biełaruś raźmieščany vyklučna ŭ nacyjanalnym siehmiencie sietki Internet — u damiennaj zonie.by abo.bieł», — padkreśliŭ Dzianis Žeška, namieśnik načalnika ŭpraŭleńnia pa supraćdziejańni kibierzłačynnaści UPK UUS Hrodzienskaha abłvykankama.
Pravieryć najaŭnaść realnaj zapazyčanaści abo štrafu pa linii DAI hramadzianie mohuć samastojna tolki tryma biaśpiečnymi sposabami: praz asabisty kabiniet na aficyjnym sajcie MUS, u sistemie ARIP abo pry asabistym zvarocie ŭ luboje padraździaleńnie DAI.
Apłata štrafaŭ prymajecca taksama vyklučna praź sistemu ARIP i aficyjnyja bankaŭskija dadatki.