Na voziery ŭ Mazyrskim rajonie patanuŭ padletak
Na voziery Kozienskaje niedaloka ad vioski Drazdy ŭ Mazyrskim rajonie zdaryłasia trahiedyja — zahinuŭ padletak, paviedamlaje Tavarystva vyratavańnia na vodach.
Pavodle papiaredniaj infarmacyi, 16 maja kampanija padletkaŭ adpačyvała na bierazie voziera ŭ miescy, jakoje nie pryznačana dla kupańnia. U niejki momant 15‑hadovy chłopiec vyrašyŭ zajści ŭ voziera, skočyŭ, pajšoŭ pad vadu i bolš na pavierchni nie źjaviŭsia.
Paśla hetaha pačalisia pošuki. Na miesca byli vyklikanyja ratavalnyja słužby. Praź niekatory čas supracoŭniki ratavalnaj arhanizacyi znajšli cieła chłopca prykładna za dziesiać mietraŭ ad bieraha na hłybini kala troch mietraŭ i dastali jaho z vady.
Ciapier vyśviatlajucca ŭsie abstaviny zdareńnia.