Zaŭtra pa Biełarusi mohuć prajści tarnada
Samaja vysokaja vierahodnaść mocnych navalnic čakajecca pa zachadzie Viciebskaj vobłaści.
U paniadziełak pa Biełarusi mohuć prajści tarnada. Dla poŭnačy krainy ESTOFEX (inicyjatyva jeŭrapiejskich mietearołahaŭ pa pradkazańni štormaŭ) abviaściła 2‑i ŭzrovień niebiaśpieki ŭ suviazi z bujnym hradam, mocnymi i škvalistymi paryvami vietru, a taksama mahčymaściu ŭtvareńnia niekalkich tarnada (śmierčaŭ), paviedamlaje «Mieteavajb».
Na bolšaj častcy krainy zaŭtra prahnazujucca daždžy z navalnicami. Miescami projduć mocnyja liŭni, u asobnych rajonach hrad i škvały da 15—20 m/s. Pa paŭnočnym zachadzie moža vypaści bolš za 50% miesiačnaj normy apadkaŭ.
Pavodle danych šviejcarskaj madeli S4x4, zona niebiaśpiečnych umoŭ nadvorja zrušyłasia na poŭnač, ale ich mahčymaja intensiŭnaść nie asłabła.
Samaja vysokaja vierahodnaść mocnych navalnic čakajecca pa zachadzie Viciebskaj vobłaści. Tamu mohuć uźniknuć mahutnyja supierjačejki (vid navalnicy z pastajanna kruciačymsia ŭzychodziačym patokam pavietra) z bujnym hradam bolšym za 2 sm, škvałami 20 m/s i vierahodnaściu łakalnych tarnada.
Tak vyhladaŭ śmierč pad Mazyrom. Skrynšot videa telehram-kanała «Mietieovajb»