Urad Tajłanda ŭchvaliŭ skaračeńnie terminu biaźvizavaha režymu da 30 dzion dla hramadzian bolš čym 90 krain
Dla kožnaj krainy płanujuć vyznačyć adpaviedny typ vizy z ulikam pytańniaŭ biaśpieki i ekanomiki.
Fota: Puttapon / Getty Images
Ministr turyzmu Tajłanda zajaviŭ, što kabiniet ministraŭ krainy pryniaŭ rašeńnie admianić 60‑dzionny biaźvizavy ŭjezd dla zamiežnych turystaŭ. Pra heta paviedamlaje tajskaja hazieta Khaosod.
Paviedamlajecca, što novyja kryteryi ciapier razhledzić kamitet pa vizavaj palitycy. Dla kožnaj krainy płanujuć vyznačyć «adpaviedny typ vizy z ulikam pytańniaŭ biaśpieki i ekanomiki».
Raniej u MZS Tajłanda zajaŭlali, što «60 dzion — heta, mahčyma, zanadta doŭha, i niekatoryja ludzi, jakija nie źjaŭlajucca sapraŭdnymi turystami, vykarystoŭvajuć biaźvizavy režym u niezakonnych metach».