15‑hadovy chłopiec na elektrasamakacie trapiŭ u DTZ u Minsku
Zdareńnie adbyłosia ranicaj na skryžavańni vulic Alšeŭskaha i Hlebki.
35‑hadovy kiroŭca aŭtamabila Lada najechaŭ na 15‑hadovaha chłopca na elektrasamakacie. Pryčyny i abstaviny zdareńnia vyśviatlajucca, piša Onliner.by.
Padletka dastavili ŭ balnicu dla abśledavańnia.
Jašče adno padzieńnie z dvuchkołavaha transpartu adbyłosia siońnia ŭdzień na vulicy Anharskaj.
48‑hadovy kiroŭca matacykła Ataki pry prajeździe štučnaj niaroŭnaści nie spraviŭsia z kiravańniem. Matacykł razam z kiroŭcam upaŭ na prajeznuju častku.
Matacyklista dastavili ŭ balnicu.