U Buda-Kašaloŭskim rajonie złodzieja vyličyli pa videlcu, z dapamohaj jakoha jon rašyŭ padsiłkavacca
U rajonie ŭ minułym hodzie abakrali adno ź leciščaŭ.
Niaprošany hość i skraŭ pradukty i inšuju majomaść, ale nie zabyŭ pierakusić na miescy złačynstva, pra što śviedčyli pakinutyja im videlec i łyžka.
Časavy intervał, u jaki mahło adbycca hetaje zdareńnie, składaŭ nie mienš za 5 miesiacaŭ, kamiery videanazirańnia, naturalna, adsutničali.
Ale ekśpiert-bijołah vyłučyŭ hienietyčny materyjał nieviadomaha mužčyny z łyžki i videlca i, jak vyśvietliłasia, u bazie danych užo byŭ uzor DNK padazravanaha, jaki pakutavaŭ na chraničny ałkahalizm i raniej byŭ uciahnuty ŭ padobnyja złačynstvy, paviedamlaje Dziaržkamitet sudovych eśpiertyz.
Adnak da momantu raskryćcia hetaha złačynstva karać užo było niekaha. Jakraz u dzień zvarotu paciarpiełych u milicyju pra kradziož na leciščy — padazravany pamior ad chraničnaj ałkaholnaj intaksikacyi.