Da ŭzroŭniu 2021 hoda: Pientahon abviaściŭ pra skaračeńnie bryhad u Jeŭropie da troch
ZŠA abviaścili pra skaračeńnie kolkaści amierykanskich bajavych bryhadnych hrup u Jeŭropie — z čatyroch da troch. Jak rastłumačyŭ pradstaŭnik Pientahona Šon Parneł u sacyjalnaj sietcy X, takim čynam vajskovaja prysutnaść viartajecca da ŭzroŭniu 2021 hoda.
Amierykanskija vajskoŭcy ŭ Litvie. Fota: Sean Gallup / Getty Images
«Takim čynam, kolkaść hetych hrup u Jeŭropie viartajecca da ŭzroŭniu 2021 hoda. Rašeńnie stała vynikam kompleksnaha šmatuzroŭnievaha pracesu, zasiarodžanaha na pierahladzie vajskovaj prysutnaści ZŠA ŭ Jeŭropie. Z-za hetaha časova zatrymlivajecca razhortvańnie amierykanskich sił u Polščy — uzornym sajuźniku ZŠA», — havorycca ŭ zajavie.
Parneł padkreśliŭ, što kančatkovaje raźmiaščeńnie amierykanskich vojskaŭ u Jeŭropie budzie vyznačana paśla dadatkovaha analizu stratehičnych i apieratyŭnych patrebaŭ ZŠA, a taksama hatoŭnaści sajuźnikaŭ brać na siabie bolšuju adkaznaść za abaronu kantynienta.
U Pientahonie padkreślili, što pierahlad prysutnaści amierykanskich sił adpaviadaje palitycy prezidenta ZŠA Donalda Trampa «Amieryka pieradusim».
Vašynhton čakaje, što krainy-členy NATA buduć bolš aktyŭna inviestavać va ŭłasnuju biaśpieku i abaronu Jeŭropy.