Taksist uratavaŭ piensijanierku ad pieradačy hrošaj ašukancam
Mužčyna vioz žančynu z Babrujska da Minska i źviarnuŭ uvahu na jaje tryvožny vyhlad i razmovu pa telefonie na praciahu ŭsioj darohi.
Jana pryznałasia, što jedzie dekłaravać svaje źbieražeńni. Prybyŭšy da miesca pryznačeńnia, taksist ubačyŭ žyły dom, a nie padatkovuju inśpiekcyju, i kančatkova pierakanaŭsia ŭ svaim padazreńni. Dziakujučy jaho ŭvažlivaści hrošy ŭdałosia zachavać, paviedamlaje pres-słužba milicyi.
Viadoma, što 61‑hadovaj žančynie patelefanavali iłžesupracoŭniki hazavaj słužby i paprasili nazvać kod z SMS dla «pravierki abstalavańnia».
Potym nibyta pravaachoŭniki paviedamili, što ad jaje imia złamyśniki pravodziać niezakonnyja finansavyja apieracyi. Kab paźbiehnuć kryminalnaj adkaznaści, babrujčancy zahadali terminova prybyć u Minsk i pryvieźci ŭsie najaŭnyja hrošy.