Va ŭschodniaj Łatvii taksama abviaščałasia pavietranaja tryvoha
U Krasłaŭskim, Łudzienskim i Rezieknienskim rajonach na miažy ź Biełaruśsiu i Rasija ranicaj abviaščałasia pavietranaja tryvoha, potym pahroza pavietranaj prastory minuła, piša Delfi.lv.
Ministerstva abarony Łatvii paviedamlała, što Nacyjanalnyja ŭzbrojenyja siły sumiesna z sajuźnikami pa NATA pastajanna viaduć manitorynh pavietranaj prastory, kab zabiaśpiečyć mahčymaść nieadkładna reahavać na patencyjnuju pahrozu. NVS uzmacnili patencyjał supraćpavietranaj abarony na ŭschodniaj miažy, nakiravaŭšy tudy dadatkovyja padraździaleńni.
Učora, u aŭtorak, va ŭschodniaj Łatvii rassyłalisia apaviaščeńni pra mahčymuju pahrozu ŭ pavietranaj prastory. Paźniej Nacyjanalnyja ŭzbrojenyja siły zajavili, što adzin bieśpiłotnik zalacieŭ na terytoryju krainy.