Mark Formelle vypuściŭ kalekcyju adzieńnia z traktaram Belarus

Mark Formelle i Minski traktarny zavod stvaryli limitavanuju kapsułu mužčynskaha adzieńnia. U honar 80‑hodździa zavoda dyzajniery MF pieratvaryli viadomuju hrafiku traktaroŭ Belarus u pradmiety štodzionnaha harderoba.

Novaja kalekcyja raźličanaja tolki na mužčyn i spałučaje brutalnuju industryjalnuju estetyku z modnaj stylistykaj pryntoŭ. Składanaja hrafika ciažkaj techniki naniesiena na bazavyja futbołki.

«U apošnija hady industryjalnaja tema ŭpeŭniena prysutničaje siarod hałoŭnych vizualnych aryjenciraŭ suśvietnaj mody. Sumiesnaja kalekcyja vychodzić u hod 80‑hodździa MTZ, i nam asabliva cikava i pryjemna pracavać mienavita z łakalnymi lehiendami, jakich viedajuć daloka za miežami krainy», — adznačajuć u Mark Formelle.

Na pryntach pradstaŭlenyja kultavyja traktary Belarus i mahutnyja kołavyja madeli sieryi Titan. Ich siłuety transfarmavali ŭ kantrastnyja hrafičnyja elemienty. Dyzajniery Mark Formelle zrabili staŭku na sučasnuju interpretacyju pramysłovaj estetyki: hrafiku, vyraznyja elemienty z akcentam na formie i paznavalnaści vobrazaŭ.

U kapsułu ŭvajšli mužčynskija futbołki ŭ bazavych univiersalnych adcieńniach — čornym, šerym i małočnym. Taksama prysutničaje jarkaja akcentnaja madel u nasyčanym čyrvonym kolery. Košt futbołki fiksavany — 39,99 rubla.

Sumiesnaja kalekcyja dastupnaja ŭ firmovych kramach brenda. Futbołki taksama možna zakazać anłajn z dastaŭkaj na dom.

Kamientary da artykuła